ଡାବୁଗାଁ, ୧୬/୧୧ ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ସ୍ଥିତ ହାଟପଦା ଜଣେ ନିଶାସକ୍ତ ଯୁବକ ପାରିବାରିକ ଅଶାନ୍ତି ପରେ ମ୍ରିୟମାଣ ହୋଇ ଗୋଟିଏ ବିରାଟ ବରଗଛ ଉପରେ ଦୀର୍ଘ ଦେଢ଼ ଘଣ୍ଟା ରହିବା ପରେ ନିଜେ ଗଛ ରୁ ଓହ୍ଲାହିଛି | ଯୁବକ ର କୌଣସି କ୍ଷତି ହୋଇ ନ ଥିଲେ ସୁଦ୍ଧା ପୋଲିସ ଓ ଅଗ୍ନିଶମ କର୍ମଚାରୀ ନିଶାସକ୍ତ ଯୁବକ ଜଣକୁ ଗଛ ରୁ ଓହ୍ଲାଇବା ପାଇଁ ନାକେଦମ୍ ହୋଇଥିଲେ | ସୂଚନାଯୋଗ୍ୟ :- ଡାବୁଗାଁ ହାଟପଦା ର ମାନସ ନାୟକ( ୩୦) ଆଜି ସକାଳେ କୌଣସି କଥା କୁ ନେଇ ସ୍ତ୍ରୀ ସହ ଝଗଡା ହେବା ପରେ ରାଗରେ ହାଟପଦା ନିକଟ ଏକ ବିରାଟ ବରଗଛ ଉପରେ ଦିନ ପ୍ରାୟ ୧୨ ଘଣ୍ଟା ସମୟରେ ଚଢ଼ି ଯାଇଥିଲା | ନିଶାସକ୍ତ ଯୁବକ ମାନସ କୁ ଓହ୍ଲାଇବା ପାଇଁ ସେଠାରେ ଥିବା ଲୋକେ ତାକୁ କହିଲା ପରେ ମଧ୍ୟ ମାନସ ଓହ୍ଲାଇ ନ ଥିଲା | ଖବର ପାଇ ଡାବୁଗାଁ ପୋଲିସ ଓ ଅଗ୍ନିଶମ କର୍ମଚାରୀ ମାନସ କୁ ବରଗଛ ଉପରୁ ଉଦ୍ଧାର କରିବା ପାଇଁ ଆସିଥିଲେ | କିନ୍ତୁ ମାନସ ଗଛ ଉପରେ ଚଢିଲେ ତଳକୁ ଡେଇଁ ଦେବି ବୋଲି କର୍ମଚାରୀଙ୍କୁ ଧମକ ଦେବା ପରେ ନିରୁପାୟ ହୋଇ ପୋଲିସ ଓ ଅଗ୍ନିଶମ କର୍ମଚାରୀ ଅପେକ୍ଷା କରିଥିଲେ | ନିଶାସକ୍ତ ଯୁବକ ର ଏପରି କାଣ୍ଡ ଦେଖିବା ପାଇଁ ବରଗଛ ମୂଳରେ ପ୍ରବଳ ଜନ ଗହଳି ହେଇଥିଲା | ଶେଷରେ ଦୀର୍ଘ ଦେଢ଼ ଘଣ୍ଟା ପରେ ନିଶାସକ୍ତ ଯୁବକ ମାନସ ନିଜେ ବରଗଛ ଉପରୁ ଓହ୍ଲାଇଥିଲା | ନିଶାସକ୍ତ ଯୁବକ ର କୌଣସି କ୍ଷତି ହୋଇ ନ ଥିଲେ ସୁଦ୍ଧା ପୋଲିସ ଓ ଅଗ୍ନିଶମ କର୍ମଚାରୀ ଙ୍କୁ ଦୀର୍ଘ ଦେଢ଼ ଘଣ୍ଟା କାଳ ନାକେଦମ୍ କରିଥିଲା
ନବରଙ୍ଗପୁର ଜିଲା ଡାବୁଗାଁ ବ୍ଲକରୁ ପ୍ରଜ୍ଞା ରଞ୍ଜନ ପରିଡା, odisha1.TV