ଡାବୁଗାଁ, ୧୩/୧୧ ମକା ପ୍ଲାଣ୍ଟ ପ୍ରକ୍ରିୟାକରଣ ୟୁନିଟ ସ୍ଥାପନ କୁ ନେଇ ପୁଣି ବିରୋଧ । ମୁହାଁମୁହିଁ ହେଲେ ସପକ୍ଷବାଦୀ ଓ ବିପକ୍ଷବାଦୀ । ପରିସ୍ଥିତି ଉତ୍ତେଜନା ପୂର୍ଣ୍ଣ ହେବାରୁ ପୋଲିସ ର ଲାଠି ଚାର୍ଜ ଓ ଜନତାଙ୍କ ପଥର ମାଡ଼ ରେ ମୁଣ୍ଡ ଫାଟିଲା ପୋଲିସ ସବଇନିସ୍ପେକ୍ଟର ଅଶ୍ୱିନ କୁମାର ପଟ୍ଟନାୟକ ଙ୍କର, ଚିକିତ୍ସା ହେଲେ କୋଷାଗୁମୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ, ଆହତ ହେଲେ ୧୦ରୁ ଅଧିକ ଜନସାଧାରଣ । ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ଅନ୍ତର୍ଗତ ବାମୁନି ଗ୍ରାମରେ ସରକାର ଙ୍କ ଦ୍ଵାରା ମକା ପ୍ରକ୍ରିୟାକରଣ ୟୁନିଟ ସ୍ଥାପନ କୁ ନେଇ ସ୍ଥାନୀୟ ଅଞ୍ଚଳ ର ଗୋଟିଏ ଗୋଷ୍ଠୀ ନିର୍ମାଣ କୁ ବିରୋଧ କରୁଥିବା ବେଳେ ଅନ୍ୟ ଗୋଟିଏ ଗୋଷ୍ଠୀ ଏହା ସପକ୍ଷରେ ଥିବାରୁ ଘଟଣା କୁ ନେଇ ବିଭିନ୍ନ ସମୟରେ ଉଭୟ ଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଗତ କିଛି ଦିନ ପୂର୍ବରୁ ମକା ପ୍ରକ୍ରିୟାକରଣ ୟୁନିଟ ସ୍ଥାନାନ୍ତର ନେଇ ଜିଲ୍ଲାପାଳ ଙ୍କୁ ଦାବି ଜଣାଇବା ପାଇଁ ଆସିଥିବା ବେଳେ ମଧ୍ୟ ଆନ୍ଦୋଳନ ର ନେତୃତ୍ୱ ନେଉଥିବା କିଛି ବ୍ୟକ୍ତି ଙ୍କୁ ପୋଲିସ ଦ୍ୱାରା ଅଟକ ରଖିବା ଘଟଣା କୁ ନେଇ ଗ୍ରାମବାସୀ ବିରୋଧ କରି ସେମାନଙ୍କୁ ଛାଡ଼ିବା ଦାବି ନେଇ ଗ୍ରାମବାସୀଙ୍କ ଦ୍ଵାରା ନବରଙ୍ଗପୁର ଜାତୀୟ ରାଜପଥ କୁ କିଛି ସମୟ ଅବରୋଧ କରିଥିଲେ । ଆଲୋଚନା ପରେ ସେମାନଙ୍କୁ ପୋଲିସ ଛାଡି ଦେଇଥିଲେ । ଆଜି ପ୍ଲାଣ୍ଟ ପାଚେରୀ କାମ ଆରମ୍ଭ ହେବାପରେ ପୁଣି ପ୍ରାୟ ୨୦୦ ରୁ ୩୦୦ ବିପକ୍ଷ ବାଦୀ ଆସି କାମ କୁ ବିରୋଧ କରିଥିବା ବେଳେ ପୁଣି ସପକ୍ଷ ବାଦୀ ମାନେ ପହଞ୍ଚିବାରୁ ଉଭୟ ଙ୍କ ମଧ୍ୟରେ ମୁହାଁମୁହିଁ ହୋଇଥିଲା । ପରିସ୍ଥିତି ଉତ୍ତେଜନା ପୂର୍ଣ୍ଣ ହେବାରୁ ଘଟଣା ସ୍ଥଳରେ ପୋଲିସ ପହଞ୍ଚି ଉଭୟ ପକ୍ଷଙ୍କୁ ବୁଝାସୁଝା କରିବାକୁ ଚେଷ୍ଟା କରୁଥିବା ବେଳେ ପରିସ୍ଥିତି ଅଣାୟତ ହୋଇଥିଲା ଏବଂ ପୋଲିସ ଲାଠିଚାର୍ଜ କରିଥିଲା । ପୋଲିସ କୁ ମଧ୍ୟ ପାଲଟା ଆକ୍ରମଣ ର ଶିକାର ହେବାକୁ ପଡିଥିଲା । ଯାହାଫଳରେ କିଛି ପୋଲିସ କର୍ମଚାରୀ ଙ୍କ ସହ କିଛି ଗ୍ରାମବାସୀ ମଧ୍ୟ ଆହତ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ଜିଲ୍ଲା ପ୍ରଶାସନ ତରଫରୁ ଉପ ଜିଲ୍ଲାପାଳ ଭାସ୍କର ଚନ୍ଦ୍ର ରଇତ, ଅରକ୍ଷୀ ଅଧିକ୍ଷକ ନିତିନ କୁଶାଲକର, ପାପଡାହାଣ୍ଡି ପୋଲିସ, କୋଷାଗୁମୁଡା ପୋଲିସଙ୍କ ସମେତ ବହୁ ଅଧିକାରୀ ଉପସ୍ଥିତ ରହି ଜନସାଧାରଣ ଙ୍କୁ ବୁଝା ସୁଝା କରିଥିଲେ|
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା, Odisha1.TV
