ଶିକ୍ଷା, ସଭ୍ୟତା, ମାନବିକତାର ପ୍ରତୀକ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ୧୪୩ତମ ଜଯନ୍ତୀ ଡେମୋକ୍ରେଟିକ ରିସର୍ଚ ଅର୍ଗାନାଇଜେସନ, ଓଡ଼ିଶା ରାଉରକେଲା କମିଟି ତରଫରୁ ଆଜି ଯଥାଯୋଗ୍ୟ ମର୍ଯ୍ୟଦାର ସହ ପାଳିତ ହୋଇଛି | ଛେଣ୍ଡ ଚିନ୍ମୟ ବିଦ୍ୟାଳୟରେ ଥିବା ଉତ୍କଳମଣି ଗୋପବନ୍ଧୁଙ୍କ ପ୍ରତିମୂର୍ତି ନିକଟରେ ଏକ ମାଲ୍ୟାର୍ପଣ କାର୍ଯ୍ୟକ୍ରମ ଓ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ କରାଗଲା | ଉକ୍ତ କାର୍ଯ୍ୟକ୍ରମ ଡ଼ିଟିଓ ର ସମ୍ପାଦକ ଶ୍ରୀ ଆଶୋକ କୁମାର ଶୁକ୍ଲାଙ୍କ ସଭାପତିତ୍ଵରେ ଅନୁଷ୍ଠିତ କରାଗଲା | ଏଥିରେ ବହୁ ଶିକ୍ଷକବନ୍ଧୁ ଓ ସାମାଜିକ କର୍ମୀ ସବଶ୍ରୀ ହିମାଂଶୁ ସାହୁ, ବୈକୁଣ୍ଠ ସାହୁ, ବ୍ରହ୍ମାନନ୍ଦ ପାଢ଼ୀ, ବସନ୍ତ ଢଳ,ବିଷ୍ଣୁ ପଣ୍ଡା, ରଶ୍ମି ରଞ୍ଜନ ମଲ୍ଲିକ, ଅଶୋକ ସାହୁ ପ୍ରମୁଖ ଉପସ୍ଥିତ ରହି ମାଲ୍ୟାର୍ପଣ କରିଥିଲେ ଓ ଗୋପବନ୍ଧୁଙ୍କର ସମାଜ ପ୍ରତି ଅବଦାନ ସମ୍ପର୍କରେ ଆଲୋଚନା କରିଥିଲେ । ସମାଜରେ ଶିକ୍ଷା, ସଂସ୍କୃତି ଓ ସଭ୍ୟତା ଆଜି ମାନବିକ ମୂଲ୍ୟବୋଧ ଧ୍ବଂସ ହେଉଛି ସେହି ପରିସ୍ଥିତିରେ ଗୋପପବନ୍ଧୁଙ୍କ ଆଦର୍ଶ ସ୍ମରଣିୟ ବହନ କରେ | ଏହି ଯୁଗରେ ଯେଉଁ ଭଳି ଅଭାବ, ଅନାହାର, ମୃତ୍ୟୁ ଯେଉଁଭଳି ବଢ଼ିଚାଲିଛି | ଏହି ପରିସ୍ଥିତିରୁ ସମାଜକୁ ପରିବର୍ତ୍ତନ କରି ଏକ ଶୋଷଣ ବିହୀନ ସମାଜ ଗଢ଼ି ତୋଳିବା ପାଇଁ ସମସ୍ତେ ଆଗେଇ ଆସିଲେ ଗୋପବନ୍ଧୁଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ବୋଲି ସଭାରେ ଆହ୍ଵାନ ଦିଆଯାଇଛି |
ସୁନ୍ଦରଗଡ଼ ରୁ ସଂଜୀବ କୁମାର ପାଢୀଙ୍କର ରିପୋର୍ଟ ।