ଡାବୁଗାଁ, ୧୬/୪ ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦର ମହକୁମା ନୂଆଗୁଡାରେ ତ୍ରିନାଥ ଯୁବକ ସଙ୍ଘ ପାଖରେ ଥିବା ୪୦ ହଜାର ଲିଟର ପାଣି ଧରି ରଖିବା ଟାଙ୍କି ନିର୍ମାଣ ହୋଇଛି । ଜନସାଧାରଣ ଓ ଉକ୍ତ ସାହି ବାସିନ୍ଦା ସ୍ଵଛ ପାନୀୟ ଜଳ ପାଇପାରିବେ ବୋଲି ନିର୍ମାଣ ହୋଇଥିଲା । କିନ୍ତୁ ଅଳ୍ପ କିଛିଦିନ ପାନୀୟ ଜଳ ସାହିବାସିନ୍ଦା ଭଲରେ ପାଇପାରିଲେ । ଉକ୍ତ ଭୁତଳ ପାଇପ ରୁ ରେଲି ସାହିକୁ ସଂଯୋଗ ଦେଇ ମଝିରେ ଗେଟ ନ ଲଗାଇ ପାଣି ଛାଡିଦେଲେ । ଫଳରେ ନୂଆ ଗୁଡା ଜନସାଧାରଣ ପାନୀୟ ଜଳ ପାଇବାରୁ ବଂଚିତ ହେଉଛନ୍ତି । ଉକ୍ତ ସାହିରେ ପାନୀୟ ଜଳ ପାଇପ ରୁ କେତେକ ବ୍ୟକ୍ତି ମୋଟର ଲଗାଇ ପାନୀୟ ଜଳ ତାଙ୍କ ସୁବିଧା ପାଇଁ ନେଇ ଅନ୍ୟ ଲୋକ ମାନଙ୍କୁ ପାନୀୟ ଜଳ ପାଇପାରୁ ନାହାନ୍ତି । ମୋଟର ଲଗାଇବା କଥା ବ୍ଲକ ପ୍ରଶାସନ ଜାଣିବା ପରେ ଡାକ ବାଜି ଯନ୍ତ୍ର ଦ୍ୱାରା ପ୍ରଚାର କରାଗଲା ମୋଟର କାଢି ଦିଅନ୍ତୁ, ନଚେତ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏଥିପାଇଁ କମିଟି ଗଠନ କରାଯାଇ ଥିଲା ଓ ପଞ୍ଚାୟତ ସମିତି ବୈଠକରେ ମଧ୍ୟ ଏହି କଥା ଉପରେ ଗୁରୁତ୍ୱ ଦିଆଯାଇଥିଲା । ହେଲେ କାର୍ଯ୍ୟ କ୍ଷେତ୍ରରେ ଫଳ ହେଲା ଶୂନ । ଟାଙ୍କି ଥାଇ ପାଣି ପାଉ ନାହାନ୍ତି ହି ବାସିନ୍ଦା । ସରକାରଙ୍କ ଯୋଜନା ପ୍ରଶାସନିକ ଅଧିକାରୀଙ୍କ ଅବହେଳା ରୁ ଏପରି ପରିସ୍ଥିତି । ନୂଆଗୁଡାରେ ଉକ୍ତ ପାଣି ଟାଙ୍କି ରହି ଥିବା ବେଳେ ପାଣି ଟାଙ୍କି ଉପରେ ଓ ପମ୍ପଗୃହରେ ନୂଆଗୁଡା ଲେଖା ହେବା ବଦଳରେ ନୂଆଗାଁ ଲେଖା ଯାଇଛି । ଏବେ ଖରା ର ପ୍ରକୋପ ଥିରେ ଥିରେ ବଢୁ ଥିବାରୁ ପାନୀୟ ଜଳ ପାଇଁ ଏଠାର ଲୋକେ ଡହଳ ବିକଳ ହେଉଛନ୍ତି । ଗ୍ରାମର ୱାର୍ଡସଭ୍ୟ ଓ ସାହିର ଭଦ୍ରବ୍ୟକ୍ତି ବାହାରି ଘର ପିଛା ୫୦ ଟଙ୍କା ଲେଖା ମାଗି ପାନୀୟ ଜଳ ଯେପରି ସୁରୁ ଖୁରୁରେ ପାଇପାରିବେ ସେ ବ୍ୟବସ୍ଥା ରେ ଲାଗି ପଡିଛନ୍ତି । ଏ ନେଇ ଡାବୁଗାଁ ଗୋଷ୍ଠୀ ଉନ୍ନୟନ ଅଧିକାରୀ ରଞ୍ଜିତାମେରୀ ନାୟକ ଙ୍କ ସହ ଯୋଗାଯୋଗ କରିବାରୁ ଏକଥା ମୁଁ ବୁଝୁଛି ଓ ଜଳ ଓ ପରିମଳ କନିଷ୍ଠ ଯନ୍ତ୍ରୀ ଙ୍କସହ କଥା ହୋଇ ସମସ୍ୟାର ସମଧାନ କରିବେ ବୋଲି କହିଥିଲେ । ଏହା ସହ ପାଇପ ଫାଟି ପାଣି ରାସ୍ତାରେ ଗଲେ ମଧ୍ୟ କେହି ଦେଖିବାକୁ ଲୋକ ପ୍ରଶାସନ ପାଖରେ ନାହିଁ । କନିଷ୍ଠ ଯନ୍ତ୍ରୀ ଙ୍କ ପାଖକୁ ଯେତେବେଳେ ଗଲେ ତାଙ୍କ ଆବାସିକ କାର୍ଯ୍ୟାଳୟରେ ପଡି ରହିଛି ତାଲା । ହେଲେ ଗୁହାରି କରିବେ କାହାକୁ ? କଥାରେ କଥାରେ ରହି ଯାଉଛି ସମଧାନ । ଏଣୁ ବ୍ଲକ ପ୍ରଶାସନ ସହ ଜିଲ୍ଲା ପ୍ରଶାସନ ଏଦିଗରେ ତୁରନ୍ତ ଦୃଷ୍ଟି ଦେବାକୁ ଗ୍ରାମବାସୀ ଦୃଢ ଦାବି କରିଛନ୍ତି । ସରକାରଙ୍କ ଯୋଜନା କୁ ଫଳପ୍ରଦ କରାଇ ଜନସାଧାରଣ ଙ୍କ ମୁହଁରେ ହସ ଫୁଟାଇବାକୁ ବୁଦ୍ଧିଜୀବୀ ମହଲରେ ଦାବି ହେଉଛି।
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡା, Odisha1॰TV
