ଡାବୁଗାଁ, ୧୫/୪ ନବରଙ୍ଗପୁର ଜିଲା ଉମରକୋଟ ବ୍ଲକ ଅଧୀନ ଐତିହାସିକ ପୋଡାଗଡ଼ ପୀଠ କୁ ଭାରତୀୟ ପ୍ରତ୍ନତତ୍ତ୍ୱ ବିଭାଗ ତରଫରୁ ବିଭାଗୀୟ କର୍ମକର୍ତ୍ତା ସର୍ଭେ କରିବାକୁ ଆସିଥିଲେ । ଏଠାରେ ରାଜବାଟି ଥିବାର ପ୍ରମାଣିତ ହୋଇଥିଲା । ୫ମ ଶତାବ୍ଦୀ ର ନଳ ବଂଶ ର ରାଜା ସ୍କନ୍ଧବର୍ଧନ ଙ୍କ ସମୟର ଶିଳା ଲେଖା ଅନୁଧ୍ୟାନ କରିଥିଲେ । ଏହି ରାଜବାଟିରୁ ବହୁ ମୂଲ୍ୟବାନ ପଥର ଓ ମାଟିର ବାସନ, ଅଳଙ୍କାର, ଘୋଡାମୁଣ୍ଡ, ପଥରକୁ ପଥର ଯୋଢେଇ ହୋଇ ରହିଥିବା ଲୂହାର କ୍ଲାମ୍ପ, ପ୍ରାଚୀନ ଇଟା ପାଇଥିଲେ । ବିଶେଷ ଆକର୍ଷଣୀୟ ସାମଗ୍ରୀ, ରାଣୀ ଗାଧୋଇବା ସମୟରେ ଦେହ ମଜା ପଥର ଅକ୍ଷତ ଅବସ୍ଥାରେ ମିଳିଥିଲା ।
ଏହି ସର୍ଭେ ସମୟରେ ବିଭାଗୀୟ କର୍ମଚାରୀ ହେଲେ ସହକାରୀ ଅଧିକ୍ଷକ ପ୍ରତ୍ନତତ୍ତ୍ଵ ବିଭାଗ ଭାଗିରଥି ଗଡତିଆ, ସହକାରୀ ପ୍ରତ୍ନତତ୍ତ୍ଵବିତ୍ ରାହୁଲ ଶ୍ରୀବାସ୍ତବ ଓ ସର୍ଭେୟର୍ ପ୍ରଦୀପ କୁମାର ରାଉତଙ୍କ ସହିତ ନବରଙ୍ଗପୁର ଜିଲ୍ଲାପାଳ ଙ୍କ ନିର୍ଦ୍ଦେଶ କ୍ରମେ ଉମରକୋଟ ତହସିଲଦାର ଡା॰ ହିମାଞ୍ଚଳ ମାଝି, ରାଜସ୍ୱ ପରିଦର୍ଶକ ଅନିଲ କୁମାର ଦାଶ, ସହକାରୀ ରାଜସ୍ୱ ନିରିକ୍ଷକ ଜୋଗେନ୍ଦ୍ର ପ୍ରସାଦ ଦାଶ, ସନୁ ବାଣୁଆ ଓ ଉମରକୋଟ ବନାଞ୍ଚଳ ଅଧିକାରୀ ପୁର୍ଣ ଚନ୍ଦ୍ର ନାୟକ, ଧୋଡ୍ରା ବନ ପାଳ କାମାକ୍ଷା ପ୍ରସାଦ ସ୍ୱାଇଁ, ବନରକ୍ଷୀ ଆକୁଳ ଵୈରାଗୀ, ଅଗ୍ନି ନିୟନ୍ତ୍ରକ ପବିତ୍ର କଟା, ପୋଡା ଗଡ଼ ସେବୟତ ଚାରି ଟେବୁଲ ଟ୍ରଷ୍ଟ ର ସମସ୍ତ କର୍ମକର୍ତ୍ତା ସଭାପତି ଉର୍ଧବ ଚରଣ ନାୟକ, ସାଧାରଣ ସମ୍ପାଦକ ପୁରୁଷୋତ୍ତମ ଭତ୍ରା, ଭରମ୍ ଦାସ ବିଶୋଇ, ତୁଳସୀ ରାମ ଭତ୍ରା ପ୍ରମୁଖ ଉପସ୍ଥିତ ଥିଲେ । ସମସ୍ତ କାର୍ଯ୍ୟ ମୁଖ୍ୟ ଉପଦେଷ୍ଟା ଗବେଷକ କୈଳାସ ଚନ୍ଦ୍ର ବେହେରା ଓ ଆଇନ ପରାମର୍ଶ ଦାତା ରାମ ନାୟକ ଉପସ୍ଥିତ ଥିଲେ।
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡା, Odisha1॰TV