ପ୍ରତ୍ୟକ ବର୍ଷ ଏକ ସପ୍ତାହ ଧରି ସଡକ ସୁରକ୍ଷା କାର୍ଯ୍ୟକ୍ରମ ମାଧ୍ୟମରେ ଜନ ସାଧାରଣଙ୍କୁ ସଚେତନ କରାଇ ଆସୁଥିବା ବେଳେ ଚଳିତ ବର୍ଷ କରୋନା ମହାମାରୀ ପ୍ରତି ବିଶେଷ ଦୃଷ୍ଟି ଦେଇ ଏହାର ଅବଧି ଏକ ମାସ ପର୍ଯ୍ୟନ୍ତ ବୃଦ୍ଧି କରାଯାଇଛି l ସୁନ୍ଦରଗଡ଼ ଜିଲ୍ଲା ବୀରମିତ୍ରପୁର ପୌରାଞ୍ଚଳରେ ଜିଲ୍ଲା ପୋଲିଶ ଓ ସ୍ଥାନୀୟ ପୋଲିଶର ମିଳିତ ଆନୁକୁଲ୍ୟରେ ସଡକ ସୁରକ୍ଷା ସକାସେ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ସଚେତନ କରାଯାଉଛି ପୌରାଞ୍ଚଳ ବାସୀଙ୍କୁ l ଏହି କାର୍ଯ୍ୟକ୍ରମ ମାଧ୍ୟମରେ ଭାଗ ନେବା ପାଇଁ ଆଗେଇ ଆସିଛନ୍ତି ସୁନ୍ଦରଗଡ଼ ପରିବହନ ଅଧିକାରୀ, ପୋଲିଶ ବିଭାଗୀୟ ଅଧିକାରୀ ଓ ସହକର୍ମୀ l ଆଶା କରାଯାଏ ଏହି କାର୍ଯ୍ୟକ୍ରମ ପରେ ଜନସାଧାରଣ ସୁନିଶ୍ଚିତ ଭାବେ ସଡକ ସୁରକ୍ଷା ନିୟମକୁ ମାନି ଜାତୀୟ ଓ ରାଜ୍ୟ ରାଜପଥରେ ଉଚିତ ଭାବେ ଯିବାଆସିବା କରିବେ l
ସୁନ୍ଦରଗଡ଼ ରୁ ବ୍ୟୁରୋ ଚିଫ ସଂଜୀବ କୁମାର ପାଢୀଙ୍କର ରିପୋର୍ଟ ।
