ନୂଆଦିଲ୍ଲୀ : ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଇଣ୍ଡିଆନ ମୋବାଇଲ କଂଗ୍ରେସ (ଭାରତୀୟ ମୋବାଇଲ ସମ୍ମିଳନୀ) ୨୦୨୦ର ଉଦଘାଟନ କରିଛନ୍ତି। ଏହି ଅବସରରେ ଭାରତରେ 5-ଜି ନେଟୱାର୍କ ସ୍ଥାପନ ନେଇ ବଡ ଘୋଷଣା କରିଛନ୍ତି ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ତଥା ଶିଳ୍ପପତି ମୁକେଶ ଅମ୍ବାନୀ। ଅମ୍ବାନୀ ଯୋଗ ଦେଇ କହିଛନ୍ତି ଯେ, ଭାରତରେ ୨୦୨୧ ମଧ୍ୟଭାଗ ତଥା ଜୁନ ମାସ ସୁଦ୍ଧା 5-ଜି ଇଣ୍ଟରନେଟ ସେବା ଲଞ୍ଚ କରିବ। ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତି ଚାଲିଛି। ଶସ୍ତା ମୂଲ୍ୟରେ ଏହି ସେବା ଗ୍ରାହକଙ୍କୁ ଯୋଗାଇ ଦିଆଯିବ। ଜିଓର 5-ଜି ଟେକ୍ନୋଲୋଜି ସ୍ୱଦେଶୀ ଜ୍ଞାନକୌଶଳରେ ନିର୍ମିତ ହେବ। ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମନିର୍ଭରଶୀଳ ଭାରତ ଅଭିଯାନର ସାକ୍ଷୀ ହେବ।
