ଡାବୁଗାଁ, ୬/୧୨: ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଉମୁରାହାଣ୍ଡି ଗ୍ରାମର ଡାଲିମ୍ବ ହରିଜନ (୫୧) ଯାହାକି ସେ ଦୀର୍ଘ ଚାରିବର୍ଷ ହେଲା ବିକଳାଙ୍ଗ ଅବସ୍ଥାରେ ରହିଛନ୍ତି । ଡାଳିମ୍ବର ସ୍ଵାମୀ ମଙ୍ଗରୁ ସବୁ ଦେଖାଚାହାଁ କରୁଥିଲେ । ଡାଳିମ୍ବର ସ୍ଵାମୀ ଗତ ମାସରେ ମୃତ୍ୟୁବରଣ କରିଥିବାବେଳେ ଏବେ ନିଜର ବୋଲି ପାଖରେ କେହି ନାହାନ୍ତି । ଡାଳିମ୍ବଙ୍କର ଦୁଇଟି ଝିଅ ରହିବା ସତ୍ୱେ ବି ସ୍ଵାମୀ ଥିବା ସମୟରେ ତାଙ୍କର ବିବାହ କରିଦେଇଥିଲେ । ଏବେ ନିଜ ପାଖରେ ଆଉ କିଏ ନାହାନ୍ତି | ନିଜ କାମ ନିଜେ କରିବାକୁ ପଡୁଛି | ଅତି ଜରୁରୀ ସମୟରେ ଗ୍ରାମ ରେ ଥିବା ଭଉଣୀ ଓ ଜ୍ୱାଇଁ ସାହାଯ୍ୟ କରୁଛନ୍ତି । ଯାହାକି ବିକଳାଙ୍ଗ ଅବସ୍ଥାରେ ବହୁ କଷ୍ଟରେ ବଞ୍ଚିବାକୁ ପଡୁଛି । ଯାହା ସରକାରଙ୍କର ବହୁ ଯୋଜନାରୁ ବଞ୍ଚିତ । ବିକଳାଙ୍ଗ ହେବା ସତ୍ୱେ ଚାରିବର୍ଷ ବିତିଯାଇଥିଲେ ମଧ୍ୟ ଆଜିଯାଏଁ ଆବାସ ଯୋଜନାରୁ ଓ ସରକାର ଙ୍କ ଉଜ୍ଜଳା ଯୋଜନା ରୁ ମଧ୍ୟ ବଞ୍ଚିତ । କେବଳ ମାସକୁ ୫୦୦ ଟଙ୍କାର ପେନସନ ପାଉଛନ୍ତି । ଏହି ୫୦୦ ଟଙ୍କା ରେ ଡାଳିମ୍ବ ପାଇଁ ଚଳିବା ଭାରି କଷ୍ଟ କର । ତେଣୁ ସ୍ଥାନୀୟ ପ୍ରଶାସନ ଏହି ବିକଳାଙ୍ଗ ଅସହାୟ ଡାଳିମ୍ବ ହରିଜନ କୁ ସରକାରୀ ସୁବିଧା ଯୋଗାଇ ଦିଆଯାଉ ବୋଲି ଗ୍ରାମବାସୀ ଦୃଢ ଦାବି ହେଉଛି।
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା,Odisha1.TV