ଭୁବନେଶ୍ବର : ଦେଶରେ ବିଦ୍ୟୁତ କ୍ଷେତ୍ରରେ ସଂସ୍କାର ଆଣିବା ଲାଗି ଚଣ୍ଡିଗଡ ପରେ ଏବେ ଓଡିଶାରେ ପ୍ରକ୍ରିୟାକରଣ ଆରମ୍ଭ ହେବାକୁ ଯାଉଛି। ଟାଟା ପାୱାର ରାଜ୍ୟର ଆଉ ଦୁଇଟି ବିଦ୍ୟୁତ ୟୁଟିଲିଟି ସଂସ୍ଥା ୱେଷ୍ଟର୍ଣ ଇଲେକ୍ଟ୍ରିସିଟି ସପ୍ଲାଏ ୟୁଟିଲିଟି ଅଫ ଓଡିଶା ଓ ସଦର୍ଣ୍ଣ ଇଲେକ୍ଟ୍ରିସିଟି ସପ୍ଲାଏ ୟୁଟିଲିଟି ଅଫ ଓଡିଶା କୁ ହାସଲ କରିଛି। ଏହି ଦୁଇ ସଂସ୍ଥାର ଘରୋଇକରଣ ପାଇଁ ଓଡିଶା ବିଦ୍ୟୁତ ନିୟାମକ କର୍ତ୍ତୃପକ୍ଷ ପକ୍ଷରୁ ଆବେଦନ ଆହ୍ୱାନ କରାଯାଇଥିଲା। ଟାଟା ପାୱାର ଓ ଇଣ୍ଡିଆ ପାୱାର ବିଡ ଦାଖଲ କରିଥିଲେ।
ଏଥିରେ ବାଜିମାତ କରିଥିଲା ଟାଟା ପାୱାର। ତେବେ ଡିସକମ ଗୁଡିକୁ ହାସଲ କରିବା ପାଇଁ ଅନେକ କମ୍ପାନୀ ଆଗ୍ରହ ପ୍ରକାଶ କରିଛନ୍ତି। ଏନଟିପିସି, ଟୋରେଣ୍ଟ ପାୱାର, ଗ୍ରୀନକୋ ଗ୍ରୃପ ଓ ଆଦାନୀ ଗ୍ରୃପ ଭଳି ଦେଶର ଭିତର ସଂସ୍ଥା ଆଗ୍ରହ ଦେଖାଇଛନ୍ତି। ୱେସକୋ ବିକ୍ରିର ପରିଚାଳନା ପାଇଁ ପିଡବ୍ଲସି ଓ ସାଉଥ କୋ ପାଇଁ ଡିଲୋଇଟକୁ ନିଯୁକ୍ତ କରାଯାଇଥିଲା। ତେବେ ୱେସକୋ ଓ ସାଉଥକୋ ଅଧିଗ୍ରହଣ ବିଷୟରେ ଟାଟା ପାୱାର ପକ୍ଷରୁ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ।