ଆଜି ହେଉଛି ବିଶ୍ୱ ଏଡସ୍ ଦିବସ। ଡିସେମ୍ବର ୧ କୁ ବିଶ୍ୱ ଏଡସ୍ ଦିବସ ପାଳନ କରାଯାଏ। ଏଡସ୍ ନିୟନ୍ତ୍ରଣ ପାଇଁ ସାରା ବିଶ୍ୱରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଏଥିରେ ଲୋକଙ୍କୁ ଏଡସ୍ ସଚେତନତାର ବାର୍ତ୍ତା ଦିଆଯାଏ। ଆମ ରାଜ୍ୟରେ ଏଡସ୍ ନିୟନ୍ତ୍ରଣ ବୋର୍ଡ଼ ପକ୍ଷରୁ ବିଭିନ୍ନ ପ୍ରକାର ର କାର୍ଯ୍ୟକ୍ରମ ଆୟୋଜିତ କରାଯାଏ। ଏବେ ବି ଏଡସ୍ ର ସାଂଘାତିକ ପରିସ୍ଥିତି ଆମ ରାଜ୍ୟରେ ଦେଖିବାକୁ ମିଳିଛି। ସବୁଠାରୁ ଅଧିକ ଏଡସ୍ ଆକ୍ରାନ୍ତ ହେଉଛନ୍ତି ଗଞ୍ଜାମ, ଯାଜପୁର ଓ ଭଦ୍ରକ। ୨୦୧୩ ସୁଦ୍ଧା ସାରା ବିଶ୍ୱରେ ୩.୬ କୋଟି ମଣିଷ ଏଡସ୍ ଯୋଗୁଁ ପ୍ରାଣ ହରାଇଛନ୍ତି। ସାଂପ୍ରତିକ ବିଶ୍ୱ ରେ ଏହି ରୋଗ ଏକ ବଡ ସ୍ୱାସ୍ଥ୍ୟ ସମସ୍ୟା ଯାହାକୁ ଅଦ୍ୟାବଧି ସମ୍ପୂର୍ଣ୍ଣ ଭାବେ ନିୟନ୍ତ୍ରିତ କରା ଯାଇପାରି ନାହିଁ। ଏଥିରୁ ବର୍ତ୍ତିବା ର ଏକମାତ୍ର ଉପାୟ ହେଉଛି ସଚେତନତା। ଏହା ବାବଦରେ ସଚେତନତା ସୃଷ୍ଟି କରିବା ଏହି ଦିବସର ମୂଳ ଲକ୍ଷ୍ୟ। ଉଲ୍ଲେଖଯୋଗ୍ୟ ଯେ ନିରନ୍ତର ଉଦ୍ୟମ ଯୋଗୁଁ ଏହା ଆଉ ବ୍ୟାପୁ ନାହିଁ।
