ନୂଆଦିଲ୍ଲୀ : ଦେଶରେ କୋଭିଡ ଯୋଦ୍ଧାଙ୍କୁ ସମ୍ମାନ ଦେବାକୁ ଯାଇ ଉପହାର ଦେଇଛନ୍ତି କେନ୍ଦ୍ର ସରକାର। ପ୍ରତ୍ୟେକ କୋଭିଡ ଯୋଦ୍ଧାଙ୍କ ପିଲାଙ୍କ ପାଇଁ ଏମବିବିଏସରେ ୫ଟି ସିଟ ସଂରକ୍ଷଣ ରହିବ। ଏ ସଂକ୍ରାନ୍ତରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ ଘୋଷଣା କରିଛନ୍ତି।
ହର୍ଷବର୍ଦ୍ଧନ କହିଛନ୍ତି ଯେ, ଆଶା କର୍ମୀ, ନର୍ସ ଓ ଡାକ୍ତରମାନଙ୍କ ପିଲାଙ୍କ ପାଇଁ ବ୍ୟାଚଲର ଅଫ ମେଡିସିନ ଓ ବ୍ୟାଚଲର ଅଫ ସର୍ଜରୀ ବା ଏମବିବିଏସରେ ୫ଟି ସିଟ ସଂରକ୍ଷିତ ରଖାଯିବ। ଯାହାକି କେନ୍ଦ୍ରୀୟ କୋଟାରୁ ସଂରକ୍ଷିତ କରାଯାଇଛି। ମେରିଟ ଆଧାରରେ ସେମାନଙ୍କ ନାମାଙ୍କନ କରାଯିବ। ସ୍ୱାସ୍ଥ୍ୟ ମନ୍ତ୍ରାଳୟର କେନ୍ଦ୍ରୀୟ ପୋଲ ଏମବିବିଏସ କିମ୍ବା ବିଡିଏସ ସିଟ ପାଇଁ ୨୦୨୦-୨୦୨୧ ଶିକ୍ଷାବର୍ଷରେ ଏହି ନିୟମ ଲାଗୁ କରାଯିବ। ତେବେ କୋଭିଡ ଯୋଦ୍ଧାଙ୍କ ପାଇଁ ଏଭଳି ଘୋଷଣା କରିବା ସମୟରେ କୋଭିଡ ଯୋଦ୍ଧାଙ୍କ କାର୍ଯ୍ଯର ମଧ୍ୟ ପ୍ରଂଶସା କରିଛନ୍ତି।