ଡାବୁଗାଁ, ୧୭/୧୧ ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଜଟାବାଲ ମୁଖ୍ୟ ରାଜ୍ୟ ରାଜପଥ-୩୯ ପାର୍ଶ୍ୱରେ ଥିବା ପ୍ରାଣୀ ଧନ ସହାୟକ କେନ୍ଦ୍ର ନିର୍ମାଣ ହୋଇଛି କାହା ସ୍ୱାର୍ଥ ରେ, ତାହା ଏବେ ଜନସଧାରଣ ରେ ଆଲୋଚନା ସୃଷ୍ଟି କରିଛି । ଦୀର୍ଘ ଦୁଇ ବର୍ଷ ହେବ ଏଠାରେ କେନ୍ଦ୍ରଟି ତାଲା ପଡିଥିବା ବେଳେ କୈ।ଣସି କର୍ମଚାରୀ ଏଠାରେ ରହୁ ନ ଥିବା ଯୋଗୁଁ କାର୍ଯ୍ୟାଳୟଟି କାର୍ଯ୍ୟାଳୟ ଅବସ୍ଥାରେ ନାହିଁ । ଏପରିକି ଦୁଇ ବର୍ଷ ହେବ ଜାତୀୟ ଦିବସରେ ଉକ୍ତ କାର୍ଯ୍ୟାଳୟ ରେ ଜାତୀୟ ପତାକା ଉଡି ନାହିଁ । ଉକ୍ତ କାର୍ଯ୍ୟାଳୟ ରେ ଜାତୀୟ ପତାକାର ଅବମାନନା ହୋଇଛି । ଉକ୍ତ କାର୍ଯ୍ୟାଳୟ ପାଇଁ ଉଚ୍ଚ କର୍ତ୍ତୃପକ୍ଷ ଙ୍କ ଦାଇତ୍ୱ ହୀନତା ଉପରେ ଉଠୁଛି ପ୍ରଶ୍ନବାଚୀ ? ରାଜ୍ୟ ସରକାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ଜନସାଧାରଣ ଙ୍କ ପ୍ରାଣୀଧନ ସ୍ୱାସ୍ଥ୍ୟ ସେବାର ବ୍ୟବସ୍ଥା କରାଇ ଥିଲେ ମଧ୍ୟ ଏଠାରେ କର୍ମଚାରୀ ନିଯୁକ୍ତି ନ ହୋଇ ଥିବାରୁ ସ୍ୱାସ୍ଥ୍ୟ ସେବା ନ ପାଇ ବହୁ ପ୍ରାଣୀ ଅକାଳରେ ମୃତ୍ୟୁ ବରଣ କରୁଥିବା ଅଭିଯୋଗ ବାଢିଛନ୍ତି ସ୍ଥାନୀୟ ସରପଞ୍ଚ ଦେବ ଭତ୍ରା ଓ ଗୋପାଳନ ଚାଷୀ ଅବଦୁଲ ଜିଲାନି । ସରପଞ୍ଚ ସମିତି ବୈଠକ, ଜିଲ୍ଲାପାଳ, ଜିଲ୍ଲା ମୁଖ୍ୟ ପ୍ରାଣୀଧନ ଚିକିତ୍ସା ଅଧିକାରୀ ଙ୍କୁ ଜଣାଇ ଥିଲେ ମଧ୍ୟ ସୁଫଳ ମିଳିପାରିନାହିଁ | ଗୋପାଳନ ଚାଷୀ ମଧ୍ୟ ଜିଲ୍ଲାପାଳ, ଜିଲ୍ଲା ମୁଖ୍ୟ ପ୍ରାଣୀଚିକିତ୍ସାଧିକାରୀ ଙ୍କୁ ଜଣାଇ ଥିବା ଅଭିଯୋଗ କରି ଏପର୍ଯ୍ୟନ୍ତ ଉକ୍ତ କାର୍ଯ୍ୟାଳୟକୁ କର୍ମଚାରୀ ଟିଏ ନିଯୁକ୍ତି ଦେଇପାରି ନ ଥିବା ଯୋଗୁଁ ଚାଷୀ ମାନଙ୍କର ବହୁ ମୁଲ୍ୟର ଗାଈ ମୃତ୍ୟୁ ବରଣ କରି ଚାଷୀ ମାନଙ୍କ ମେରୁଦଣ୍ଡ ଦୋହଲାଇ ଦେଉଛି । ଏଣୁ ଜନସଧାରଣ ଙ୍କ ସୁବିଧା ନିମନ୍ତେ ଉକ୍ତ କାର୍ଯ୍ୟ|ଳୟ ରେ ତୁରନ୍ତ କର୍ମଚାରୀ ନିଯୁକ୍ତି ଦେଇ ଜଟାବାଲ ଗ୍ରାମର ପ୍ରାଣୀଧନ ସ୍ୱାସ୍ଥ୍ୟ ସେବା ଯୋଗାଇ ଗୋପାଳନ କରି ଥିବାଚାଷୀ ମାନଙ୍କୁ ସୁରକ୍ଷା ଜନସାଧାରଣରେ ଦୃଢ ଦାଵି ହେଉଛି । ପ୍ରକାଶ ଥାଉକି,ଉକ୍ତ କେନ୍ଦ୍ର ବାରଣ୍ଡାରେ ଵୁଲା ଗାଇ ଗୋରୁମାନଙ୍କ ସହ ଅସାମାଜିକ ବ୍ୟକ୍ତି ମାନଙ୍କ ଆଡ୍ଡା ସ୍ଥଳୀ ପାଲଟିଛି।
ନବରଙ୍ଗପୁର ଜିଲା ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡା, Odisha1.TV
