ନୂଆଦିଲ୍ଲୀ : ଭାରତ ଭଳି ଗଣତାନ୍ତ୍ରିକ ରାଷ୍ଟ୍ର ରେ ହିଂସା, ଜାତିବାଦ, ଧାର୍ମିକ ଅସିହୁଷ୍ଣୁତା, ଦୁର୍ନୀତି ଓ ଉଗ୍ର ଜାତୀୟତାବାଦ ରହିଛି। ଏହା ଖୁବ ବଳିଷ୍ଠ ବୋଲି ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ଦ୍ୱାରା ଲିଖିତ ଓ ସଦ୍ୟ ପ୍ରକାଶିତ ପୁସ୍ତକ ଏ ପ୍ରୋମିଜଡ ଲ୍ୟାଣ୍ଡରେ ଉଲ୍ଲେଖ କରାଯାଇଛି। ବିଜେପି କୁ ସେ ହିନ୍ଦୁ ଜାତୀୟତାବାଦୀ ଦଳ ଭାବେ ବର୍ଣ୍ଣନା କରିଛନ୍ତି। ବିଜେପି ଦେଶରେ ବିଭାଜନକାରୀ ଓ ଜାତୀୟତାବାଦର ପ୍ରଚାର ଚଲାଉଛି ବୋଲି ଉକ୍ତ ପୁସ୍ତକରେ ଓବାମା ଉଲ୍ଲେଖ କରିଛନ୍ତି। ସେ ମନମୋହନ ସିଂହଙ୍କ ବିଷୟରେ ସକରାତ୍ମକ ଚିତ୍ର ଦେଇଛନ୍ତି।
କୌଣସି ରାଜନୈତିକ ସ୍ଥିତି ନଥିବା ଜଣେ ଶିଖ ତଥା ବିଜ୍ଞ ଅର୍ଥନୀତିଜ୍ଞ ଓ ଦୂରଦ୍ରଷ୍ଟାଙ୍କୁ ରାହୁଲ ଗାନ୍ଧୀଙ୍କ ସ୍ଥାନରେ ପ୍ରଧାନମନ୍ତ୍ରୀ ଭାବେ ଅଧିଷ୍ଠିତ କରାଇ ସୋନିଆ ଗାନ୍ଧୀ ଭାରତର ବିକାଶ ପାଇଁ ବଡ ଭୂମିକା ନିର୍ବାହ କରିଥିବା ଓବାମା ଉଲ୍ଲେଖ କରିଛନ୍ତି। ବିଜେପି ଦେଶରେ ମୁସଲମାନ ବିରୋଧୀ ଆଭିମୁଖ୍ୟକୁ ଜୋର କରିଥିବା ବେଳେ ମନମୋହନ ସିଂହ ଏ ନେଇ ଶଙ୍କାଗ୍ରସ୍ତ ଥିଲେ। ତେବେ ଉକ୍ତ ପୁସ୍ତକର ପୃଷ୍ଠା ଯେତେ ଓଲଟା ଯାଉଛି ସେତିକି ବିଷୟ ଚର୍ଚ୍ଚାକୁ ଆସୁଛି। ପୂର୍ବରୁ ରାହୁଲ ଗାନ୍ଧୀଙ୍କ ସମ୍ପର୍କରେ ନକରାତ୍ମକ ଚିନ୍ତାକୁ ନେଇ ଚର୍ଚ୍ଚା ଚାଲିଥିବା ବେଳେ ଏବେ ଆଗକୁ ଆସିଛନ୍ତି ବିଜେପି ସରକାର।