ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ଅଧୀନ ଜଟାବାଲ ପଞ୍ଚାୟତ କାର୍ଯ୍ୟIଳୟ ପରିସରରେ ଓରମାସ ଆନୁକୁଲ୍ୟରେ ନବରଙ୍ଗପୁର ପଦ୍ମା ରଞ୍ଜିତା ଏଜୁକେସନ ଟ୍ରଷ୍ଟ ପକ୍ଷରୁ ବ୍ଲକ ସ୍ତରୀୟ ରାଜମିସ୍ତ୍ରୀ ପ୍ରଶିକ୍ଷଣ ଶିବିର ସୋମବାର ଅନୁଷ୍ଠିତ ହୋଇଯାଇଛି | ଜିଲାର ପ୍ରତ୍ୟେକ ବ୍ଲକ ଅଧୀନରେ ସରକାରୀ ପ୍ରକଳ୍ପ ଯଥା- ଇନ୍ଦିରା ଆବାସ ଯୋଜନା କିମ୍ବା ପ୍ରଧାନ ମନ୍ତ୍ରୀ ଆବାସ ଯୋଜନା ହେଉ ସେଗୁଡିକ କୌଣସି କାରଣ ବଶତଃ ଅର୍ଦ୍ଧନିର୍ମିତ ହୋଇ ପଡିରହିଛି | ସେଗୁଡିକୁ ପୁନଃଉଦ୍ଧାର କରିବା ପାଇଁ କେନ୍ଦ୍ର ସରକାର ଓ ରାଜ୍ୟ ସରକାର ଯୋଜନା ପ୍ରସ୍ତୁତ କରି ସେହି କାର୍ଯ୍ୟ ଗୁଡିକୁ ତ୍ୱରାନ୍ୱିତ କରିବା ପାଇଁ ରାଜ୍ୟ ସରକାରଙ୍କ ସହ ଚୁକ୍ତିନାମା କରିଥିବା ସଂସ୍ଥା ଗୁଡିକୁ ଦାୟିତ୍ଵ ପ୍ରଦାନ କରଯାଇଥିଲା | ଉକ୍ତ ସଂସ୍ଥା ମାଧ୍ୟମରେ ୪॰୨॰୨୦୨୦ ଠାରୁ ୧୩॰୨॰ ୨୦୨୦ ପର୍ଯ୍ୟନ୍ତ ୧୦ ଦିନ ପ୍ରଶିକ୍ଷଣ ଦିଆଯାଇଥିଲା ଏବଂ କାର୍ଯ୍ୟ ଆରମ୍ଭ କରିବା ପାଇଁ ମିସ୍ତ୍ରୀ ମାନଙ୍କୁ ଆଦେଶ ଦିଆଯାଇଥିଲା | ଏତତବ୍ୟତୀତ ସେମାନଙ୍କ ବ୍ୟାଙ୍କ ଜମାଖାତାକୁ ଟଙ୍କା ପଠାଇ ଦିଆଯାଇଥିଲା | କରୋନା ମହାମାରୀ ଯୋଗୁଁ ମିସ୍ତ୍ରୀ ମାନଙ୍କୁ ଟୁଲ୍ କିଟ୍ ପ୍ରଦାନ କରାଯାଇ ପାରିନଥିଲା | ଜିଲା ପ୍ରଶାସନ ର ଅନୁମତି ମିଳିବା ପରେ ଟ୍ରଷ୍ଟ ପକ୍ଷରୁ ଆଜି ସେମାନଙ୍କୁ ଟୁଲ୍ କିଟ୍ ସହ ସାର୍ଟିଫିକେଟ ପାପଡାହାଣ୍ଡି ବି ଡି ଓ ରଞ୍ଜିତା ମଲ୍ଲିକ ପ୍ରଦାନ କରିଥିବା ବେଳେ ଜିଲା ସଂଯୋଜକ ସଂଗ୍ରାମ ପଟ୍ଟନାୟକ, ପ୍ରଶିକ୍ଷଣ ଇନଚାର୍ଜ ସୁମନ୍ତ କୁମାର ଦେହୁରି ଉପସ୍ଥିତ ରହି ଉକ୍ତ କାର୍ଯ୍ୟକ୍ରମ କୁ ସମ୍ପନ୍ନ କରିଥିଲେ |
ନବରଙ୍ଗପୁର ଜିଲା ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡା ଙ୍କ ରିପୋର୍ଟ I