କାଳ ହେଲା ଗୁପଚୁପ ଖାଇବା । ଶୀଘ୍ର ଶୀଘ୍ର ଖାଇବା ସମୟରେ ଗୁପଚୁପ ତଂଟିରେ ଲାଗିଯିବାରୁ ଜୀବନ ଗଲା ଜନୈକା ମହିଳାଙ୍କର । ଏଭଳି ଏକ ଘଟଣା ଘଟିଯାଇଛି ସୁନ୍ଦରଗଡ଼ର ସରଫଗଡ଼ ଗାଁରେ ।
ଯାହାକୁ କାଳ ଡାକେ ତାଙ୍କୁ କିଏ ବା ରକ୍ଷା କରିପାରେ । ଗାଁ ର ଜଣେ ମହିଳା ଗୁପଚୁପ ଖାଇବାବେଳେ ଗୁପଚୁପ ତଣ୍ଟିରେ ଅଟକି ଯାଇଥିଲା ଘଟଣାସ୍ଥଳରେ ହିଁ ଜୀବନ ପଳାଇଥିଲା ଫୁଲମତିଙ୍କର । ଖବର ପାଇ ଫୁଲମତିଙ୍କ ସ୍ୱାମୀ ତତକ୍ଷଣାତ ଆମ୍ବୁଲାନ୍ସ ଡାକି ହସ୍ପିଟାଲ ନେଇଥିଲେ ହେଲେ ଡାକ୍ତରଖାନାରେ ପହଞ୍ଚିବାପରେ ଡାକ୍ତର ଯାଞ୍ଚକରି ତାଙ୍କୁ ମୃତ ଘୋଷଣା କରିଥିଲେ ।
ଆସନ୍ତା କାଲି ମହିଳାଙ୍କର ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ।
ସୁନ୍ଦରଗଡ଼ ରୁ ସଂଜୀବ କୁମାର ପାଢୀଙ୍କର ରିପୋର୍ଟ ।