ଡାବୁଗାଁ, ୧୭/୪ ନବରଙ୍ଗପୁର ଜିଲା ମେଦନା ଗ୍ରାମ ପଞ୍ଚାୟତ ସଦର ମହକୁମା ର ୩୦ ଟି ପରିବାରକୁ ଆହାର ଯୋଗାଇ ଦେଉଛି “ବତା କନ୍ଦା” । ଉକ୍ତ ଗ୍ରାମର ୩୦ ଟି ପରିବାର ପୁରୁଷ ଓ ମହିଳା ପ୍ରତ୍ୟେକ ଦିନ ଆଜକୁ ୩ ମାସ ହେବ ସକାଳ ୭ ଘଣ୍ଟା ରୁ ଉଠି ସନ୍ଧ୍ୟା ୫ ଘଣ୍ଟା ପର୍ଯ୍ୟନ୍ତ ନଦୀ ୨ ପାର୍ଶ୍ୱ ରୁ ବତା କନ୍ଦା ସଂଗ୍ରହ କରିବାକୁ ବାହାରି ପଡନ୍ତି । ପ୍ରତି ଜଣ ଆନୁମାନିକ ୩୦ କିଗ୍ରା ବତା କନ୍ଦା ସଂଗ୍ରହ କରି ଘରକୁ ଆଣି ଥାଆନ୍ତି | ଉକ୍ତ ବତା କନ୍ଦାର ମୂଲ୍ୟ ଆଦିବାସୀ ଜନସଧାରଣ ଙ୍କୁ ଜଣା ନ ଥିବା ବେଳେ ଛତିଶଗଡ ରାଜ୍ୟର ରାଇପୁର ଅଞ୍ଚଳ ରୁ ବ୍ୟବସାୟୀ ଆସି କିଲୋ ପିଛା ପ୍ରଥମେ ୧୪ ଟଙ୍କା ଦରରେ ନେଉଥିଲେ । ଏବେ କିଲୋ ପିଛା ୧୯ ଟଙ୍କାରେ ନେଉଛନ୍ତି । ବତା କନ୍ଦା ଦ୍ୱାରା ଔଷଧ ତିଆରି ହେଉଛି ବୋଲି କୁହନ୍ତି ବତାକନ୍ଦା କିଣିବା ବ୍ୟବସାୟୀ । ଉକ୍ତ ବତାକନ୍ଦା ଉପରେ ଜିଲା ପ୍ରଶାସନ ଦୃଷ୍ଟି ଦେଇ ଏହାର ମୂଲ୍ୟ ଆକଳନ କଲେ ଆଦିବାସୀ ଜନସାଧାରଣ ଉପକୃତ ହୋଇପାରିବେ ଵୋଲି ୩୦ ଟି ପରିବାର ମତ ବ୍ୟକ୍ତ କରିଛନ୍ତି । ଉକ୍ତ ଗ୍ରାମରୁ ଗାଡି ଗାଡି ମାଲ ଯାଉଥିବା ବେଳେ ବତାକନ୍ଦା ସଂଗ୍ରହ କାରି ବିପୁଳ ପରିମାଣ ର କ୍ଷତି ସହୁଛନ୍ତି । ପ୍ରଶାସନ ଯଦି ଉକ୍ତ ବତାକନ୍ଦା ର ଉଚିତ ମୁଲ୍ୟ ବୁଝି ସଂଗ୍ରହ କାରୀ ମାନଙ୍କୁ ପାଇବାର ସୁବିଧା କରାଇ ପାରନ୍ତେ, ତେବେ ସଂଗ୍ରହ କାରୀ ମାନଙ୍କ ରୋଜଗାର ବଢ଼ି ସୁଖରେ ଜୀବନ ଜୀବିକା ନିର୍ବାହ କରି ପାରନ୍ତେ ଓ ଆର୍ଥିକ ସମ୍ବଳ ସୁଧୁରି ଯାଆନ୍ତା ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।
ସଂଗ୍ରହ କାରୀ ମାନଙ୍କ ମଧ୍ୟରୁ ହେଲେ ସୁନାଫୁଲ ପୂଜାରୀ, କନକ ଦେଇ ପୂଜାରୀ, ଉଆଁସୁ ପୂଜାରୀ , ସନମତି ପୂଜାରୀ, ଉର୍ବସି ପୂଜାରୀ, ଧନ ସାଇ ବିନ୍ଧାଣି, ଜେମା ପୂଜାରୀ ପ୍ରମୁଖ ଆଉ ଅନ୍ୟମାନେ ଉକ୍ତ ବତାକନ୍ଦା ସଂଗ୍ରହ କାର୍ଯ୍ୟ ରେ ନିୟୋଜିତ ଅଛନ୍ତି । ଉକ୍ତ ବତାକନ୍ଦା ନଦୀ ଦୁଇ ପାଖ ଓ ଓଦା ଥିଵା ସ୍ଥାନ ମାନଙ୍କ ରୁ ସଂଗ୍ରହ ବର୍ଷା ହେବା ପର୍ଯ୍ୟନ୍ତ ଚାଲୁ ରହିବ ବୋଲି ସଂଗ୍ରହ କାରୀ ନିଳାମ୍ବର ପୂଜାରୀ ସୂଚନା । ଦୈନିକ ଜଣେ ଲୋକ ଆନୁମାନିକ ୩୦ କିଲୋ ବତା କନ୍ଦା ସଂଗ୍ରହ କରନ୍ତି । ଏଣୁ ପ୍ରଶାସନିକ ସ୍ତର ରେ ଆଦିବାସୀ ଜନସାଧାରଣ ଙ୍କ ନିମନ୍ତେ ଏହା ଉପରେ ଦୃଷ୍ଟି ପଡ଼ିବାକୁ ଗ୍ରାମବାସୀ ଦୃଢ ଦାଵୀ କରିଛନ୍ତି।
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା। Odisha1.TV
