ଡାବୁଗାଁ, ୧୪/୩ ନବରଙ୍ଗପୁର ଜିଲା ଡାବୁଗାଁ ବ୍ଲକ ରେ ଅନୁଷ୍ଠିତ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଅଭିଯାନ ରେ ସରକାରଙ୍କ କୋଭିଡ କଟକଣା ର ଅବମାନନା କରାଯାଉଥିବା ଦେଖିବାକୁ ମିଳିଛି । ଏହା ଛଡା ସକାଳୁ ଆସିଥିବା ଭିନ୍ନକ୍ଷମ ମାନଙ୍କୁ ଅଣଦେଖା କରାଯାଉଛି । ଅନୁଷ୍ଠିତ ଅଭିଯାନରେ ପରିଚାଳନା କରୁଥିବା ବ୍ଲକ ସାମାଜିକ ସୁରକ୍ଷା ଅଧିକାରୀ ଉକ୍ତ କାର୍ଯ୍ୟକ୍ରମ ବିଷୟରେ ପୂର୍ବରୁ କିଛି ସୂଚନା ଦେଇନଥିବା ସ୍ଥାନେ ସ୍ଥାନେ ଆଲୋଚନା ର ବିଷୟ ପାଲିଟି ଥିବାବେଳେ, ଅଧିକାଂଶ ଲୋକ ଆସିକି ନ ଖାଇ ଫେରିଯାଇଥିଲେ ଏବଂ ସଠିକ ରୂପେ ସୂଚନା ପାଇ ନଥିବାରୁ ବହୁ ଲୋକ ଆସି ପାରି ନ ଥିଲେ । ଡାକ ବାଜି ଯନ୍ତ୍ର ସାହାଯ୍ୟରେ ବ୍ଲକ ସଦର ମହକୁମା ରେ ଗୋଟିଏ ଦିନ ପ୍ରଚାର କରାଯାଇଥିଲା । ନିଜେ ବ୍ଲକ ର ର ଅଧିକାରୀ ମାନେ ମାସ୍କ ନ ପିନ୍ଧି ଅଭିଯାନ ରେ ଆସିଥିବା ଭିନ୍ନକ୍ଷମ ଲୋକଙ୍କ ସହ ମିଳାମିଶା କରୁଥିବା ଦେଖିବାକୁ ମିଳିଥିଲା । ଦୁଃଖର ବିଷୟ ଅଭିଯାନରେ ଆସିଥିବା କିଛି ଭିନ୍ନକ୍ଷମ ଲୋକଙ୍କୁ ବସିବା ପାଇଁ ମଧ୍ୟ ସ୍ଥାନ ଦିଆଯାଇନଥିଲା । ଯେଉଁଠିକି ବ୍ଲକ ର କାର୍ଯ୍ୟକର୍ତ୍ତା ମାନେ ବହୁତ ଆରାମରେ ବସି ଗପସପ କରୁଥିବା, ଫୋନରେ ବ୍ୟସ୍ତ ରହିବା ଦେଖିବାକୁ ମିଳିଥିଲା । ଯେଉଁଠି ଏକ ସାଧାରଣ ଲୋକଙ୍କୁ ବିନା ମାସ୍କ ପାଇଁ ଦଣ୍ଡ ବିଧାନ ର ନିୟମ କରାଯାଉଛି, ସେଇଠି ବ୍ଳକ କାର୍ଯ୍ୟାଳୟର କର୍ମକର୍ତ୍ତା ଙ୍କ ଏପରି ବିନା ମାସ୍କ ଓ ବିନା ସାମାଜିକ ଦୂରତା ପାଳନ କରି ଅଭିଯାନ କରିବା କଣ ଦଣ୍ଡନୀୟ ଅପରାଧ ନୁହେଁ ବୋଲି ଜନସଧାରଣ ପ୍ରଶ୍ନ କରିଛନ୍ତି । ଖାଲି ବ୍ୟାନର ଲାଗିଥିଲା ସାମାଜିକ ଦୂରତା ପାଇଁ – କିନ୍ତୁ ନା ସାବୁନ, ନା ସେନିଟାଇଜର ର ବ୍ୟବସ୍ଥା ମଧ୍ୟ କରାଯାଇନଥିଲା । ଖାଲି କାଗଜ ପାତ୍ର ରେ ସବୁ ଠିକ ଚାଲିଛି ବୋଲି ଦର୍ଶାଇ ସରକାରଙ୍କ ପଇସା ବର୍ବାଦ କରାଯାଉଛି ।ଏହାର ଜ୍ୱଳନ୍ତ ଉଦାହରଣ ହେଉଛି ଆଜିର କାର୍ଯ୍ୟକ୍ରମ – “ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଅଭିଯାନ” । ଏଭଳି କାର୍ଯ୍ୟ କ୍ରମ ରେ ଜିଲ୍ଲାପାଳ, ଡାବୁଗାଁ ବିଧାୟକ ନିମନ୍ତ୍ରିତ ହୋଇଥିଲେ ହେଁ ଡାବୁଗାଁ ର ସାମ୍ବାଦିକ ମାନଙ୍କୁ ସୂଚନା ଦିଆ ନ ଯିବା ନେଇ ଏହା ଭିତରେ କି ରହସ୍ୟ ରହି ଥିଲା, ତାହା ଜନସାଧାରଣରେ ପ୍ରଶ୍ନ ବାଚୀ ସୃଷ୍ଟି କରିଛି । ଜନସାଧାରଣ ବ୍ଲକ ର ଏପରି କାର୍ଯ୍ୟକୁ ଦୃଢ଼ ନିନ୍ଦା କରିଛନ୍ତି । ଏଣୁ ଜିଲ୍ଲା ପ୍ରଶାସନ ଏ ଦିଗରେ ଦୃଷ୍ଟି ଦେଇ ଏପରି ଭୁଲ ନ ହେବା ପାଇଁ ତାଗିଦ କରିବାକୁ ଜନସାଧାରଣ ଜିଲ୍ଲା ପ୍ରଶାସନ ପାଖରେ ଗୁହାରି ଜଣାଇଛନ୍ତି । ବିଶେଷ ଦ୍ରଷ୍ଟବ୍ୟ -ଡାବୁଗାଁ ପଞ୍ଚାୟତର ଉମୁରାହାଣ୍ଡି ଗ୍ରାମର ଜଣେ ଭିନ୍ନକ୍ଷମ ମହିଳା ଙ୍କ ସ୍ୱାମୀ ୫ ମାସ ହେବ ମୃତ୍ୟୁ ବରଣ କରି ଥିଲେ ହେଁ ହରିଶ୍ଚନ୍ଦ୍ର ଯୋଜନାର ସହାୟତା ରାଶି ଏ ପର୍ଯ୍ୟନ୍ତ ପାଇନାହାନ୍ତି, କେବଳ ଭତ୍ତା ବୋଲି ୫୦୦ ଟଙ୍କା ଓ ୫ କେଜି ଚାଉଳ ପ୍ରତି ମାସରେ ପାଉଛନ୍ତି । ଚାଲି ପାରୁ ନ ଥିବାରୁ ଏକ ଦୁଇ ଚକିଆ ଠେଲା ଗାଡି ପ୍ରଶାସନ ସହାୟତାରେ ପାଇଛନ୍ତି, ଆଉ କୌଣସି ସୁବିଧା ପାଇନାହାନ୍ତି, ହେଲେ ଠେଲି ଠେଲି ଭିନ୍ନକ୍ଷମଙ୍କ ଭିଣୋଇ ଡାବୁଗାଁ ସହରକୁ ଦୈନିକ ଆଣନ୍ତି ଓ ଯାହା ଭିକ୍ଷା ବୃତ୍ତି ରୁ ମିଳେ ମାସିକ ବଡ଼ କଷ୍ଟରେ ଚଳନ୍ତି । ଉକ୍ତ ଭିନ୍ନ କ୍ଷମ ମହିଳା ବାରମ୍ବାର ପଂଚାୟତ, ବ୍ଲକ କାର୍ଯ୍ୟାଳୟ କୁ ଆସିଲେ ମଧ୍ୟ କୌଣସି ସୁଫଳ ମିଳି ପାରୁ ନ ଥିବା କୋହଭରା କଣ୍ଠରେ ପ୍ରକାଶ କରିଛି । ଆଜି ମଧ୍ୟ ଉକ୍ତ ଭିନ୍ନକ୍ଷମ ମହିଳାଙ୍କୁ ଭିନ୍ନ କ୍ଷମ ସାମର୍ଥ୍ୟ ଅଭିଯାନ ରେ ସାମିଲ ହେବାକୁ ଖବର ଦିଆଯାଇ ନ ଥିଲା ମନ ଦୁଃଖରେ ଘରକୁ ଫେରିଥିଲା । ବ୍ଲକ ପ୍ରଶାସନ ଅଧିକାରୀ ମାନେ ଉକ୍ତ ଭିନ୍ନ କ୍ଷମ ମହିଳା କୁ ଆମେ ଖବର ଦେଲେ ଆସିବୁ, ତୁ ଆସ ନାହିଁ ବୋଲି କହିଥିବା କଥା ସୂଚନା ଦେଇଛି । ଏହି ଭିନ୍ନ କ୍ଷମ ମହିଳା ଙ୍କୁ କେବେ ସରକାରୀ ସହୟତା ମିଳିବ, ଦେଖିବାକୁ ବାକି ରହିଲା।
ନବରଙ୍ଗପୁର ଜିଲା ଡାବୁଗାଁରୁ ପ୍ରଜ୍ଞାରଞ୍ଜନ ପରିଡା, Odisha1.TV
