ଅନୁଗୁଳ: ବନ ବିଭାଗ ହାତରେ ଦୁଇ ଶିକାରୀ । ଅଭୟାରଣ୍ୟ ମଧ୍ୟରେ ଶିକାର ପାଇଁ ତାର ବିଛାଇ ଥିବାବେଳେ ବନ ବିଭାଗ ହାତରେ ଧରା ପଡ଼ିଛନ୍ତି ୨ଶିକାରୀ ।
ଅନୁଗୋଳ ଜିଲ୍ଲା ସାତକୋଶିଆ ଅଭୟାରଣ୍ୟରେ ବନ୍ୟଜନ୍ତୁ ଶିକାର କରିବା ଉଦ୍ଦେଶ୍ୟରେ ଜିଆଇ ତାରରେ ଫାସ ବସାଉଥିବା ବେଳେ ବନ ବିଭାଗ ସେଠାରେ ଅଚାନକ ଚଢ଼ାଉ କରିଥିଲେ । ଚଢାଉ ବେଳେ ୨ ଜଣ ଶିକାରୀଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଗିରଫ ଦୁଇ ଶିକାରୀ ହେଉଛନ୍ତି ଶମ୍ଭୁନାଥ ବେହେରା ଓ ବିଭୂତି ମୁଖୀ।
ବନ ବିଭାଗ ଦେଇଥିବା ସୁଚନା ଅନୁସାରେ, ସାତକୋଶିଆ ଅଭୟାରଣ୍ୟ ପୁରୁଣାକୋଟ ବନାଞ୍ଚଳ ପୁରୁଣାକୋଟ ସଂରକ୍ଷିତ ଜଙ୍ଗଲର କୋର ଏରିଆ କମ୍ପାର୍ଟମେଣ୍ଟ-୬ ରେ ଶନିବାର ବନ୍ୟଜନ୍ତୁ ଶିକାର କରିବା ପାଇଁ ଜିଆଇ ତାର ବ୍ୟବହାର କରି ଶିକାରୀମାନେ ଫାସ ବସାଉଥିବା ବନ ବିଭାଗ ଜାଣିବାକୁ ପାଇଥିଲା।ପୁରୁଣାକୋଟ-ଏ ବିଟର କର୍ମଚାରୀମାନେ ସେଠାରେ ଅଚାନକ ଚଢ଼ାଉ କରିଥିଲେ । ବନ କର୍ମଚାରୀମାନେ ଦୁଇ ଶିକାରୀଙ୍କୁ କାବୁ କରି ଗିରଫ କରିଥିବା ବେଳେ ସେମାନଙ୍କୁ କୋର୍ଟ ଚାଲାଣ କରାଯାଇଛି।
